Plantun de Prouvènço

Pèr coumpara dos planto d'encò nostre

Aira caryophyllea & Orchis olbiensis

Aira caryophyllea

Poaceae Graminaceae

Nom en français : Canche caryophyllée.

Descripcioun :
Aquesto coutelino es uno planto primo que trachis en mato dins li relarg séusous. La paumo èi laco, courteto e de formo óuvalo. La lemma èi mai courto que li glumo mai porto uno arèsto dous cop mai longo e que se vèi bèn.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 30 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Aira
Famiho : Poaceae
Famiho classico : Graminaceae

Ordre : Poales

Coulour de la flour :
Petalo : ges
Ø (o loungour) flour : 2 à 3 mm
Flourido : Printèms - Estiéu

Sòu : Si (Ca)
Autour basso e auto : 0 à 1600 m
Aparado : Noun
Mai à juliet

Liò : Pelouso umido - Champino
Estànci : Mesoumediterran à Coulinen
Couroulougi : Subretroupicalo
Ref. sc. : Aira caryophyllea L., 1753

Damisello

Orchis olbiensis

Orchidaceae

Nom en français : Orchis d'Hyères.

Descripcioun :
La damisello es un Orchis pulèu pichot que trachis dins li garrigo e li tepiero seco de nòsti colo. Fai ges de casque e se recounèis à sa labreto di tres partido e subretout à soun long esperoun que fai mai qu'un cop e meje la labreto (au contro de Orchis mascula). Lou noum sèmblo veni de la flour finamen tacado. Coumpara emé l'erbo-de-la-pandecouso, que ié sèmblo, pamens èi pu mountagnouso e pu grosso.

Usanço :
A bessai li mémi prouprieta que l'erbo de-la-pandecousto, Orchis mascula.

Port : Erbo
Taio : 10 à 30 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Orchis
Famiho : Orchidaceae

Ordre : Asparagales

Coulour de la flour : Roso
Petalo : irreguliero
Ø (o loungour) flour : 12 à 18 mm
Flourido : Printèms

Sòu : Ca
Autour basso e auto : 0 à 800 m
Aparado : Vo
Mars à abriéu

Liò : Tepiero seco - Garrigo - Roucaio
Estànci : Termoumediterran à Mesoumediterran
Couroulougi : Estenoumediterrano-Ouèst
Ref. sc. : Orchis olbiensis Reut. ex Gren., 1859

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Aira caryophyllea & Orchis olbiensis

ges

Coumpara Coutelino(-de-printèms) emé uno autro planto

Coumpara Damisello emé uno autro planto